Office生態－小蜜蜂與小螞蟻

千祈唔好當小蜜蜂同小螞蟻是奴隸獸，奴隸獸是一種出賣尊嚴的生物，而小蜜蜂同小螞蟻是有尊嚴的。

小蜜蜂同小螞蟻唔同，雖然同屬Labor Family的勞動系，可是小蜜蜂是會飛的，而且是活在3D世界的，即是立體啦。小螞蟻是2D的，即是平面啦。佢地的分別不在於職級，而是在於他們的個人形象。小蜜蜂的個人形象會較為高，小螞蟻比較低一點。

小蜜蜂同小螞蟻往往身兼數職，即是一個人可能要做5個人的工作。正所謂：人在江湖，生不如死。唉！佢地都唔想嘅。

小蜜蜂同小螞蟻都給人一種奔波勞碌的感覺，時時做到無停手，又未必有吃飯嘅時候。但係小蜜蜂的想法是「等有機會我一定走」；小螞蟻是「走得去邊吖，等退休吧~啦！」

所以小螞蟻每每可能成為公司的老臣子，佢地有時都會發吓火，“玩吓嘢”。小蜜蜂就不會了，反正唔係做人世不用太認真，仲想攞翻封好好睇睇嘅Reference Letter嘛！所以一般都會「忍」。

因為同是無乜攻擊力的生物，而且自我保護力又較低，所以一不小心遇到天敵曱甴或用屁股思考的無腦生物，可能會死得很難看。與蛇的關係較為複雜，一方面是蛇的寵物，但是偶一不“慎”同樣可能會死得很難看。

*按：我的小小蜜蜂好朋友，就要一個人做5個“仆直”。
而小螞蟻雖然由朝做到晚，但係就很喜歡比面色“呀哥”“呀姐”睇。

習性：
1. 捱。
2. 忍。
3. 火。小螞蟻會較強而明顯；小蜜蜂的是暗火。
4. 一般來說合作性強，較重視團隊精神。（團結就是力量）